近日有個舊同事打俾筆者，傾談間，大家都有同感，覺得現代人搵朋友，都變得比以前冷膜。。。

事緣友人跟筆者說：「你識咁多人，一定成日都有人打電話俾你，忙不停的啦！」

筆者回應：『唔係喎！我呢Ｄ真係可以稱得上為Functional（功能性）的朋友。基本上朋友打電話來，都係無事不登三寶殿。若只單打來傾兩句，關心一吓的電話？已經開始接近「０」。。。。所以我的電話唔多會響的。。。』

友人的回應：「係？真的想不到呢！不過都係啦！現代的人真係好奇怪的，打個電話問候都冇的。。。」

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

其實我不真的很介意朋友們只「有事才登三寶殿」，不過慢慢大家開始將之變成習慣，人與人之間的溝通越來越少，相處上就會容易多問題或誤會，關係上亦開始變得冷淡。。。

筆者是那種突然想起一位朋友，想關心一吓，就會打個電話去問候，傾談一吓的。其實一般人都會接受的，怎料有一次，筆者同樣致電給一位朋友，那朋友的回應竟是很不滿般，最妙是他說：「你有乜事呀？打電話來一定有嘢的。。。。」我話：「冇呀！只係突然想起你，想打電話來關心一吓你吧！」友人回答：「點會冇嘢呀？我的朋友個個都一定有事才打來的，而且你以往都係咁的啦！」我回應：「嘩！你唔係卦？我有幾多次只係單單打電話來問候關心你，你唔係唔知吓？點解可以咁講嘢的呢？」。。。。。

唉！好無奈，想關心人，怎料收到的回應。。。

香港人，忙好多時都係藉口吧！其實有誰不忙呢？但若果每人都願抽少少時間，交出一點點的心，人與人之間就會多返份溫暖，世界亦會變得更美好呢！